ໃນອາທິດທີ່ຜ່ານມາ BFL Bred group ໄດ້ຈັດງານເຝິກອົບຮົມ ຮ່ວມກັບ EDC ພາຍໃຕ້ໂຄງການຂອງ BFL ກ້າວໜ້າ, EDC ຄູເຝິກສອນທີ່ມາໃຫ້ຄວາມຮູ້ ພາຍໃຕ້ຫົວຂໍ້ ການວາງແຜນທຸລະກິດ, ແຜນການເງິນ ພ້ອມ ວິທີຂໍກູ້ຢືມເງິນສຳລັບ SME. BFL ກ້າວໜ້າຄັ້ງທີ 6 ຖືກຈັດຂື້ນພາຍໃນວັນທີ 12 ຫາ 17 ເດືອນ ສິງຫາ.
ທລຝ ໄດ້ເບິ່ງເຫັນແລະໃຫ້ຄວາມສຳຄັນ ການພັດທະນາອົງກອນ ແລະ ແບ່ງປັນຄວາມຮູ້ດ້ານການວາງແຜນທຸລະກິດ ແລະ ການເງິນ ເພື່ອໃຫ້ກຸ່ມບຸກຄົນທີ່ມີຄວາມສົນໃຈທີ່ຈະຢາກເຮັດແຜນທຸລະກິດ ຫຼື ຕ້ອງການທີ່ຈະເຮັດ ທຸລະກິດ ຂະໜາດນ້ອຍ ແລະ ຂະໜາດກາງ (SME) ມີໂອກາດເຂົ້າເຖິງແຫຼ່ງເງິນທຶນ, ຮູ້ວິເຄາະການເງິນຂອງຕົນແບບລົງເລິກ, ການປຶກສາຫາລືຂຽນແບບແຜນທຸລະກິດ ແບບໂຕຕໍ່ໂຕ, ການວາງແຜນການຕະຫຼາດ, ການຄາດຄະເນຂອງການຂາຍ ແລະ ລາຍຈ່າຍ, ການວາງແຜນການດຳເນີນງານແບບແທ້ຈິງ ພ້ອມທັງແບບເຝິກຫັດ ແລະ ການເຝິກນຳໃຊ້ໂປຣແກຣມບັນຊີເງີນສົດ.
ພາຍໃຕ້ຫົວຂໍ້ດັງກ່າວແມ່ນຖືກຈັດຂື້ນເພື່ອໃຫ້ຄວາມຮູ້ ແລະ ສົ່ງເສີມການເຮັດທຸລະກິດໃນລາວ ໂດຍ ບໍ່ມີຄ່າໃຊ້ຈ່າຍໃດໆລວມເຖິງ ການເຝິກສອນທັງ 6 ມື້, ກາແຟ ແລະ ອາຫານວ່າງສອງຄັ້ງຕໍ່ມື້ ພ້ອມທັງລ້ຽງອາຫານອີກດ້ວຍ.
ການເຝິກອົບຮົມພາຍໃຕ້ BFL ກ້າວໜ້າຍັງໄດ້ອອກໃບຢັ້ງຢືນໃຫ້ທຸກທ່ານທີ່ເຂົ້າຮ່ວມເຊີ່ງສາມາດນຳໃຊ້ເຂົ້າໃນການປະກອບເອກະສານໃນການຂໍແຫຼ່ງທຶນ ຫຼື ສາມາດກູ້ຢືມກັບຫຼາຍທະນາຄານໄດ້.
ຜ່ານການອ່ານມາຮອດນີ້ແລ້ວ ທາງ ທລຝ ເຊື່ອວ່າຫຼາຍທ່ານຄົງເສຍດາຍໂອກາດທີ່ບໍ່ໄດ້ເຂົ້າຮ່ວມໃນຄັ້ງນີ້, ແຕ່ບໍ່ຕ້ອງເສຍໃຈໄປ ຂໍພຽງທ່ານກົດຕິດຕາມເພຈເຮົາໄວ້ເພື່ອຈະບໍ່ໄດ້ພາດໂອກາດດີໆແບບນີ້ໃນຄັ້ງຕໍ່ໄປ.
